世盃外 「不列顛群島」大混戰 兄弟冇情講

作者:Constance 發表日期:2017-10-08 03:00:02

即上英超刨績王:http://win.on.cc/epl 

今屆世界盃外圍賽,位於不列顛群島嘅5支球隊表現唔錯,「大佬」英格蘭已經提前出線,其餘4隊威爾斯、愛爾蘭、蘇蘭格同北愛爾蘭都仲有機會進軍俄羅斯,不過呢幾支關係密切嘅兄弟兵,隨時要為世界盃決賽周席位鬥餐死!

威爾斯今晨作客1比0贏格魯吉亞後,目前喺D組排第2位,不過愛爾蘭亦喺主場2比0輕取摩爾多瓦,依家只落後威爾斯1分排第3位,周二凌晨小組煞科戰,威爾斯就會喺加的夫迎戰愛爾蘭,兩隊唔單止要爭奪附加賽資格,甚至有機會超越榜首塞爾維亞直接出線添。

威爾斯呢場生死戰雖然冇養傷嘅王牌加里夫巴利,但係佢哋近期愈戰愈勇,啱啱贏格魯吉亞一仗,就係威爾斯4年來首次喺巴利缺陣之下贏波。威爾斯對上一次喺巴利缺陣情況下贏波,已經係2013年10月對馬其頓。

如果順利拎到次名踢附加賽資格,威爾斯或愛爾蘭亦有機會要同其他「兄弟」競爭,北愛爾蘭已經穩奪C組次名位置,蘇格蘭目前亦喺F組排第2位,歐洲區附加賽隨時變成「不列顛群島」大混戰。

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20171007/bkn-20171007141810369-1007_00882_001.html